「痛失英才！我自小好鍾意張國榮，我同佢年紀差不多，佢出道咁耐，我就鍾意佢咁耐。為咗送佢最後一程，我今日六點鐘就嚟咗，特登着到好似張國榮咁，我一直都模仿住佢嘅衣着，佢好貪靚。我當日聽到張國榮跳樓嘅消息，呆咗十五分鐘，以為係愚人節整蠱人，佢咁靚，真係太可惜。呢幾日我不斷喺屋企播佢嘅CD，張國榮嘅黑膠碟我全部買齊，以前重好鍾意學佢嘅舞姿同歌聲。」