如果你有睇開WRC賽事的話，咁就記住要留意4月10日至13日舉行嘅新西蘭站賽事喇！事關新款福特FocusRS戰車，將會於該站首度現身呢！
屬2003年規格嘅新款福特FocusRS戰車，較2002年規格版本有多項改良地方，例如重新設計全車擾流部件，以改善高速行車時嘅氣流擾動情況、改善車重比分布，並改良車尾懸掛系統，從而增強戰車本身嘅操控表現、改用由CosworthRacing負責製造嘅輕量化2.0公升Turbo引擎，務求可增強性能表現，就連車內防滾架亦被改良，以增加對車手於意外發生時嘅保護程度㖭！新戰車將會由MarkkoMartin及MichaelPark等車手駕駛，屆時定會與其他戰車掀起一場龍爭虎鬥。