「個女有好多選擇一啲都唔奇」
Rosemary母破口大罵Gordan

混血女模Rosemary的男友Gordan日前主動向傳媒報料，稱已與Rosemary分手，傳介入的第三者是一富家子。Rosemary母親Julie昨日接受本報訪問時大罵Gordan，表示一早已不看好二人的戀情，更稱本身亦算富有家庭，故報道指Rosemary因金錢移情別戀，對她不公平。

混血女模Rosemary與男友Gordan拍拖一年多，日前Gordan主動向傳媒報料，指他已經與Rosemary分手，他自稱現時感情狀況壞透，報道又指二人分手因Rosemary戀上富家子。
Rosemary母親Julie昨日在電話中表示，一早已不看好女兒與Gordan這段感情，她十分不滿Gordan主動向傳媒報料，她說：「佢（指Gordan）算係乜嘢？有乜資格特登打電話畀傳媒？呢個世界離婚都冇乜大不了，何況分手呢？我唔識佢㗎。」

「我哋都有錢」
問Julie女兒Rosemary有否不開心？她說：「Rosemary一向都專心工作，佢咁後生，大把時間。況且要發生嘅始終都發生咗，感情嘅嘢冇得強求。」問Julie是否女兒親自告知她分手一事？她說：「我一早就知，我不嬲教佢感情嘅事要低調。」
有傳Rosemary和Gordan分手是因富家子介入，Julie反應極大說：「𠵱家我哋屋企環境唔好咩？咁樣寫對Rosemary好唔公道，講呢啲嘢要睇自己有冇份量。Rosemary唔係貪錢嘅人，唔係都唔會同佢（指Gordan）做朋友啦。」
那麼，Rosemary與Gordan分手，是誰主動提出？Julie說：「呢個世界冇話邊個飛邊個，感情係好微妙嘅。」而外間一直有指Julie是個向錢看的人，她對此說：「大家有眼睇，我哋都算係有錢人，咁樣講好難聽。」

以工作為重
Gordan主動向傳媒爆料，問Julie會否覺得他欠風度？Julie說：「算啦，佢都係細蚊仔，我淨係關心個女，佢咁後生有好多選擇一啲都唔奇。」Rosemary現在心情如何？Julie說：「我唔可以代佢答你。」問Julie會否擔心Rosemary心情不佳服食藥物？她說：「唔會，佢大個女，識照顧自己㗎啦。」
採訪：RitaLeung