老董福大命大，特首辦日日公告佢身體非常健康，完全無事。咁三司呢，都好好。你唔見負責非典型肺炎scenarioplanning嘅煲呔曾上個星期重見啲外國同本地商會，叫人唔好驚咩，佢重呼籲港人，以行動表示香港冇事。
八方聽聞，煲呔都好緊張自己身體，喺辦公室都戴住口罩，話到尾，佢都係特區第二號人物，又有容易咳嘅紀錄，小心啲係啱嘅。
講開危機處理，美國佬其實最醒，當年九一一遇襲之後，華府第一時間將副總統切尼收埋喺大衞營，只留布殊仔一個喺白宮，避免兩人同一時間出現同一地方。以香港嚟講，就應將煲呔隔離於佢嘅維多利亞宮官邸，一切用網上及視像會議聯絡；閒來無事，佢老哥重可以喺屋企練吓高球㖭。
傳真︰2623-9278
電郵︰