早前盛傳梁朝偉和劉嘉玲分手，但前晚偉仔第四度奪得金像影帝，女友劉嘉玲全程陪伴，頒獎禮後二人手拖手連踩三場慶功宴，非常恩愛，實行以行動粉碎分手傳聞，劉嘉玲更因偉仔奪獎而笑不攏嘴。
梁朝偉前晚在《第二十二屆香港電影金像獎頒獎典禮》中，憑電影《無間道》奪得金像影帝。這是偉仔破紀錄四度奪取金像影帝的寶座，身為女友的劉嘉玲很替男友開心，她全程伴在偉仔身邊，二人在頒獎禮後更手拖手結伴到慶功宴會場。
偉仔和嘉玲在頒獎禮後，拍拖連踩三場慶功宴。偉仔更拖着嘉玲往大會慶功宴。早前盛傳二人分手，問偉仔可是要以行動闢謠，他說：「粉乜嘢碎，唔好講呢啲嘢。」
而偉仔亦大談得獎感受，他說：「好多謝朋友投我一票，我心情好複雜，今年係最唔開心嘅一年，希望可以快啲過去，我唔會為攞獎而拍戲，我喺台上都講過攞獎唔係只靠一個人就能夠成功，個獎係屬於大家嘅。」
問到偉仔是否覺得金像獎應頒發獎項給張國榮，他說：「對哥哥（張國榮）嚟講，佢唔需要任何獎項去肯定佢嘅成就，我𠵱家好希望同佢嘅親友同愛錫佢嘅人講要小心身體。」
嘉玲亦替男友四度封帝而高興，她說：「我都好開心。」而嘉玲整夜都笑不攏嘴。
偉仔和嘉玲拍拖出席完金像獎大會的慶功宴後，二人再到尖沙嘴新世界中心跟劉德華、余文樂、黃秋生和曾志偉等人再慶祝，一行人玩至凌晨二時多後，偉仔和嘉玲又轉移到銅鑼灣欣葉食消夜，據知他們是與澤東電影公司同事慶祝，直至凌晨三時多才離去。
採訪：魯萍、何永寧、馮美茵
攝影：仇志德、陳偉權、娛樂突發組
