莊先生：自張國榮的《風再起時》經已喜歡「哥哥」，覺得如此能歌善舞的超級巨星如此去世，實在令人惋惜。
梁小姐：由《Monica》時開始成為「哥哥」的歌迷，他是一名獨當一面的藝人，在我心目中以後都沒有人可以代替其地位。
日本Juko：我三年前在日本看過《戀戰沖繩》電影，被「哥哥」的精采演技吸引，並覺得他很英俊、性感，所以成為他的影迷。當我知悉死訊感到好傷心，前日專程由日本來港向「哥哥」致祭，由於香港爆發非典型肺炎，家人勸止我不要到來，但我堅持要來，家人指他行徑迹近瘋狂，但為了向偶像致最後祝福，我覺得冒險都是值得。
薛家燕：我同黎小田一齊去拜張國榮，大家見到佢嘅遺照都即刻喊唔停，小田重要陳小寶扶住先掂。我喺靈堂見到張國榮好友唐鶴德，佢心情都好平靜，但張綠萍就喊到收唔到聲，氣氛好悽慘，大家一聽到現場播嘅歌聲，眼淚即湧出嚟。
廣州魏先生：張國榮是我唯一偶像，我在廣州酒吧獻唱，以模仿張國榮成名，有「廣州張國榮」之稱。由於歌聲酷似，有外省顧客更以為我是真的張國榮。偶像不幸離世，我覺得好傷感及失落，連日來難以安寢，特別由廣州來港，去到殯儀館靈堂向偶像致祭。
劉兆銘：我喺電視劇《儂本多情》合作過，我覺得張國榮為人友善、冇架子，心地好靚，佢嘅藝術一生好似鑽石咁閃。演時裝同古裝都一樣咁靚，就算過咗身都一樣好靚。張國榮跳舞冇造作，我帶咗個心嚟拜祭。
