許冠傑（阿Sam）與張國榮過往曾多次合作，如早年二人合唱的《沉默是金》，不單是當年經典金曲之一，而且更是張國榮胞姊張綠萍最喜愛的歌曲。對於張國榮離世，阿Sam固然感到惋惜，但阿Sam早前返回美國居住，故未能出席亡友喪禮。
張國榮的家人昨日在香港殯儀館為張國榮設靈，今日中午十二時舉殯，不少張國榮生前好友，紛紛到靈堂送亡友一程。許冠傑跟張國榮曾多次合作，如合唱《沉默是金》及與許冠英等合演《花田囍事》。可是，阿Sam未能出席張國榮的喪禮，前日阿Sam胞兄許冠英在電話中解釋說：「阿Sam早排返咗美國，佢會喺香港住吓，間唔中又會返美國住吓，佢都知道張國榮自殺件事，阿Sam當然覺得好可惜啦，但除咗可惜之外，真係唔知講乜嘢好。」
原來，許冠英跟張國榮在麗的電視時期已經合作，跟張國榮亦算相熟，眼見早年跟阿Sam在頒獎禮上同台領獎的歌手如陳百強、羅文和張國榮先後離去，許冠英感到無限欷歔和遺憾。記者問許冠英阿Sam現狀如何時，許冠英指他生活十分寫意，而阿Sam兩個兒子許懷欣和許懷谷亦長大成人，投入社會工作，令阿Sam十分欣慰。
許冠英說：「懷欣同懷谷𠵱家都喺美國做嘢，其中懷谷喺美國做製片，跟唐季禮做嘢，而兩兄弟之中，懷谷對娛樂圈工作比較有興趣，至於大仔懷欣就鍾意音樂，間唔中佢會同啲朋友夾吓Band。」
採訪：戴彩煥
