國潤控股（175）話口未完就在噚日復牌，個古仔同年輕賓架所講相近，賓架講嘢果然有料到，唔似有啲經紀亂吹水。
國潤噚日復牌，股價即刻急升，最高見過0.67元，收0.65元，升6.6%，成交金額重好大，有成4300萬元。睇嚟上海幫話就話今非昔比，但仍然比本地炒家硬淨。
靚女經紀話，家陣國潤買盤主要來自內地同胞，確實唔係靠香港人，你睇國潤搞簽約儀式喺上面舉行，諗都冇諗過招呼本地證券界或者傳媒，就知人哋係完完全全北望神州。另外，海爾中建（1169）股價升完又升，亦係內地同胞之功勞。
小初口唔出聲但心裏反駁，或者人哋明知香港人怕肺炎，費事搞咁多嘢。
靚女經紀重話佢個大陸客仔尚未沽貨，而且重有成班大陸炒家尚未上車，所以國潤應該未升完。
小初就話，祝佢好運啦。
慕容小初