無論你是否大學畢業生，還是碩士、博士，剛畢業的第一項工作，大家可能只會諗到廣發「英雄帖」──發求職信搵工！不過剛從美國大學攻讀傳理學碩士課程回港的Diana，就同一般畢業生好唔同，她說：「知自己唔可以打工，要做Boss！」就可以唔靠屋企，同友人合資開設一間屬於自己嘅中高檔日本料理食店，認真唔簡單！
記者：朱崇德 攝影：陳偉強
講到剛畢業人士，想擁有自己事業第一個難題，當然係手上資金不足！Diana雖然出自小康之家，不過她自小財政都好獨立。
當造期只剩一個月
唔知點解呢度啲海產，係咪真係特別另類，連大家最常食到嘅海膽都特別大過人。呢款加拿大海膽，同樣香港唔係咁多地方食到，每嚿嘅Size差唔多有成2.5吋長（比一般海膽大四倍！）。原條放入口中，海膽氣息完全地充斥於你口腔之內，再加上Creamy到暈嘅獨有口感，真係怕你食過之後，以後唔能夠再接受細細隻嘅海膽仔！聽老闆娘講，呢隻超巨型加拿大海膽離最後當造只剩一個月，跟住就要同大家講「明年請早」喇！
日限2條足3磅
一般食到嘅魚由魽魚雖則夠鮮嫩，但只係得手掌大小，口感太過細碎；至於有十幾二十磅嘅大魚由魽亦都只係得雪藏。最近該店新返咗一款日日新鮮3磅BB魚由魽，如果用嚟做刺身大概剛好係三至四人份量，正係集合咗BB肉質鮮嫩同大魚由魽嘅爽口彈牙感覺！加$30重可以用魚骨做湯，基本係半賣半送，不過謹記每日限量一至兩條，想食一定要預訂！
翡翠海螺源自法國
只可以用款式多到花多眼亂嚟形容。小記出街食飯一向最講數口，單係呢味北海道海膽同新西蘭淡水龍蝦（牡丹蝦做法），二百幾蚊絕對值回票價！不過重頭戲不止於此，跟住上枱嘅重有法國翡翠海螺，最特色之處係佢喺法國沿海一捕獲上水，馬上用就近的海水煮熟急凍，包保係最原汁原味！至於另一款美國馬尼拉蜆，Size亦係特別的兩吋大（一般只有一吋大）！跟手重有吞拿魚、白吞拿魚及三文魚等包底，正呀！
想食又怕肥推介
店內設火爐的另一周到之處，就係特別多素食串，Diana唔係單單為咗食素人士而設，其實好多女士嘅煩惱，就係想食又怕肥，素串燒亦不失為一個健康食品之選，其中惹味者如雞腿菇、素雞丸及素牛肉等！全部都係用傳統日本燒汁燒製素肉，卻又惹味非常！
勁咬口兼彈牙
睇樣，其貌不揚，睇真啲，原來佢係小小雞趾之間嘅腳掌部份。入口勁有咬口，而且彈牙到震！一燒起馬上熱氣騰騰的送到你枱面，心裏不期然想講：「小二！唔該馬上嚟半打啤酒，再加一杯日本酒！」。
「14歲開始就已經做PartTime，教琴老師、補習老師、寫字樓工作全部都做過；後嚟去到美國讀大學，都係一邊攞獎學金讀碩士，一邊做餐館侍應同家務助理，甚至係托餐、通渠、洗廁所全部都做過！」年紀輕輕只得26歲嘅Diana，就已經打咗成十幾年工！接近100萬元的開舖首期資金，差唔多就係由此而嚟（當然另一半由合作經營夥伴分擔）！
肺炎事件持續，被問到店內有啥預防措施，Diana認為肺炎大多集中於九龍新界地區，加上無論肺炎與否，店內由食物、室內環境以至員工等一向注重衞生清潔，所以亦如以往般運作；至於客人方面，部份則對蠔吧食物最感興趣，因為蠔含豐富碘質，增加抵抗力之餘亦可幫助預防肺炎。
該店食品真係幾出位，當中尤以每日新鮮海產及蠔吧為甚，好多特別貝殼類海產，特別到連大酒店都食唔到，其中最有代表性嘅係每隻有成1.5磅重嘅大蜆（$100），差唔多全港只有佢獨家有得賣，最過癮之處係肉質好有象拔蚌Feel，不過殼連肉的位置（俗稱瑤柱位），肉質又有啲似帶子咁彈牙軟滑，做日式刺身絕對一流。
花日本料理
地址：銅鑼灣信德街11號A
電話：31623006