第二十二屆香港電影金像獎頒獎典禮前晚順利舉行，無綫全程直播，期間發生「伊健爆粗事件」，擔任頒獎嘉賓的鄭伊健跟郭富城爭摸金像獎獎座搞氣氛時，突然說粗口。
鄭伊健前晚出席《第二十二屆香港電影金像獎頒獎典禮》，並擔任「最佳女主角」頒獎嘉賓，他與另一位頒獎嘉賓郭富城爭着撫摸獎座時，伊健突然說粗口。
金像獎頒獎禮前晚於尖沙嘴文化中心舉行，眾星盛裝出席，無綫翡翠台現場直播節目。頒發「最佳女主角」一獎時，擔任頒獎嘉賓的伊健與郭富城為搞氣氛，刻意在台上爭取撫摸獎座的機會，城城首先說：「我攞住呢個金像獎，又興奮又緊張。」伊健接着說：「其實我都未掂過，你畀我摸吓得唔得呀？」
城城接着說：「咪住先，你畀我摸多陣先啦，我就真係攞都未攞過呀。好啦，畀你摸摸。」伊健接過獎座不久，城城欲取回獎座時，伊健爆出單字粗口說：「X，我想同大家講，其實話時話，呢個獎個身形係依照我哋香港一個女藝人做出嚟，真㗎！」
早年在直播節目中爆粗的，計有劉德華的「杏加橙」、李克勤的「非法進入異性體內插旗」及梁漢文的「唔好咁X嘈」，今次伊健竟重蹈覆轍，教壞小朋友。
此外，二人女子組合Twins負責頒發「最佳音響效果」獎，其中蔡卓妍（阿Sa）不停儍笑，看來出席類似大場面，二人尚未夠班。
撰文：羅慧敏