一場非典型肺炎，搞到香港人成為神檯貓屎，貿易對手乘機無風起浪，打擊港商。瑞士表展就竟然唔畀港商開檔，等港商接唔到單。貿易戰隱隱升溫，係考驗貿易發展局嘅時候，當然重有唐英年局長；呢一役，相信特區高官無人可置身事外。
瑞士表展出事當晚，八方聽聞貿發局行政總裁施祖祥（圖）飛咗去美國，但該局中人話施公並非去「斡旋」，事關香港要「斡旋」，也屬政府的層面，即係唐局長份內事，無理由由貿發局去搶佢風頭。八方就覺得邊個搞冇所謂，最緊要美國嘅展覽唔排斥港商，否則賭城都去唔到，的貨就唔使賣；連出口都衰埋，真唔知點算。
傳真︰2623-9278
電郵︰