護膚品牌MarioBadescu昨日在金鐘太古廣場西武舉行亞洲首個專櫃開幕活動，請來模特兒LisaS.、藝人葉璇及連凱出任嘉賓。
談到非典型肺炎，LisaS.說：「我有八成工作取消咗，媽咪好擔心我，叫我返美國，但係我會留低，唔返內地囉。除咗戴口罩，我重食好多蔬菜同維他命C，增強抵抗力。」
問LisaS.知否好友Rosemary與Gordan分手一事？LisaS.說：「好意外，真係唔知，自從喺北京行完show返嚟後，大家各有各忙，都冇見過面。」有指Rosemary戀上富家子，LisaS.說：「揀對象應該係注重內涵嘅。」
葉璇則表示最注重肌膚保濕，她說：「夏天我會用檸檬汁加水洗面，冬天就會用蛋白洗面。護理雙手都好緊要，我好勤力做磨砂㗎。」
採訪、攝影：RitaLeung