曾志偉前晚在尖沙嘴為《第二十二屆香港電影金像獎頒獎典禮》任司儀，其實事前他曾推辭司儀的工作，但最後改變初衷。他說：「我喺香港咁多年都未遇過咁慘，點解咁唔開心。金像獎頒獎典禮前都開過會睇吓要唔要搞，最後我都投票要如期舉行，因為我哋係唔應該放棄。本來喺頒獎典禮開騷後，我先向醫護人員致敬，然後輪到阿梅（梅艷芳）講哥哥（張國榮），但我哋都好擔心佢講唔到重變成『淚人』，所以取消咗呢個部份。」
張國榮上周離世後，志偉亦有探望梅艷芳，他說：「阿梅心情都未復原，身邊有人陪住佢、開解佢，阿梅一定會出席哥哥嘅喪禮，哥哥在世時，我都好耐冇見過佢，我唔算係佢最好嘅朋友，所以唔應該由我口中講佢。」