全港講肺炎，大家都唔知聽日點，邊重有心機講阿松應否四月中下台，○七年應否直選特首。不過，呢個世界重有一個余若薇，一個劉慧卿。
劉慧卿噚日率領住前綫一干人等去見負責政制發展嘅林瑞麟局長，結果早可預料，一定係不歡而散，卿姐要○七年一人一票選特首，○八年立會全面直選，林局長梗係無言以對。
當年起草基本法，好多嘢都唔清唔楚，林局長同人講，佢每次見卿姐都好均真，好坦白咁講畀佢阿姐聽政府做緊乜，但係結果係坦白不獲從寬，反而俾人嚴打，故此佢先會講出一句，話卿姐「急於求成，有誇大其詞之嫌」嘅評語。
其實林Ｄ9又何須掛齒，八方想卿姐對特區政府全無奢望，不過希望時加鞭撻，唔畀你完全唔郁，阿爺一日未拍板，你林局長講了都不會算數。
傳真︰2623-9278
電郵︰