早前，德國福士車廠宣布推出新一代BeetleCabriolet之後，原來亦有為硬頂版Beetle推出Facelifted新版；雖然新車變動不多，但勝在外觀變得更富吸引力。從造型而言，Facelifted新版與現有型號相近，沒有作出大幅度修改，但車門兩旁嘅倒後鏡就加有指揮燈，從而令行車時更見安全；除此之外，用家更可選配新款16吋胎軨連205/55R16輪胎，以及Xenon頭燈等配備㖭！而為咗迎合不同用家口味，廠方更特別提供多種全新車身色彩供選擇呢！至於車廂方面，更備有全新設計嘅杯座、中央手枕、手提電話座等配備，從而為車上乘客帶來更多方便。
然而，廠方亦為用家提供有多台引擎作選擇，當中包括1.4公升（75匹）、1.6公升（102匹）、1.8公升Turbo（150匹）、2.0公升（115匹）及2.3公升V5（170匹）型號，以切合不同需要；而剛勁有度嘅底盤輔以多套電子組合，亦能有助增強行車循迹性，予人有莫大信心呢！