為預防非典型肺炎，家陣人人都一日一消毒，實行喺屋企進行殺菌大行動，有小朋友的家庭更加要打醒十二分精神，尤其是替不同質地的玩具殺菌和消毒時，就更加要留意。其實不同質地的玩具都有不同的消毒和殺菌方法，今日就教你點樣有效清洗布公仔、木製和塑膠玩具，各位家長要留意啦！
記者：黃婉冰 攝影：周旭民 ImageKid：廖睿哲
逢星期一至五刊出
若要徹底將塑膠玩具消毒和殺菌，可以將漂白水稀釋到1:99，浸泡約30分鐘，漂白水有消毒作用，浸泡完後以清水徹底清潔乾淨，再以乾布抹乾即可以做到徹底殺菌的效果。
很多家長都不懂怎樣清潔木製玩具，只用濕布抹的話又擔心不夠乾淨，用漂白水清洗又不知對不對。其實清洗木製玩具原來好簡單，只要以梘液和熱水開一盆熱梘水來浸泡就可以，熱水的熱力有助殺菌，同時可將塵垢沖走，浸約30分鐘後以清水沖洗乾淨即可。
棉質玩具又或是毛公仔最易惹塵，清潔方法除了乾洗外，清洗後放在太陽下曬足六個鐘會是另一更奏效的方法，因為陽光中的紫外線可以有效地將細菌消滅。
小朋友的圖書既不能浸水亦不能用水洗，要清潔的話，可以在50ml的蒸餾水內加入4樽蓋的中和劑，再滴20?5滴的茶樹精華油，溝製成天然殺菌的噴霧，將之噴在書本上用布抹，就可做到清潔殺菌的效果。
雖說漂白水可以殺菌消毒，但始終漂白水含有化學成份，用在小朋友衣物上可能會造成皮膚的不適和敏感，想安全又有效地幫子女的衣服消毒，最好揀選一些兒童專用的洗衣液，咁就萬無一失！
這支瑞士寶寶輕柔抗菌潔衣液以純正地中海橄欖油作天然香料，不加磷酸或脂肪酸等化學用品，可以防止因靜電而造成的黏塵情況兼有抗菌功能，不論用於手洗或機洗效果都一樣。
這款嬰兒洗衣液，不含螢光劑，純天然植物配方，可除菌之餘性質亦較溫和，就算小朋友有咬衫習慣都唔怕。
這支Milton全能殺菌消毒液果然夠全面，不單止可以用來浸食具(不適用於金屬表面食具)，重可以用來消毒嬰兒木製玩具、橡膠、塑膠、口水肩等。
這支器皿蔬果洗潔液，用上可入口的天然果酸作配方，不含色素香料，除食具外亦可以用來清洗蔬菜內的農藥和細菌，夠晒安全。
產品售賣點：荷花親子中心
電話：26283777
地址：銅鑼灣皇室堡4樓