香港市道不景，有汽車集團因為意興闌珊而有意淡出車壇，分拆出售手上嘅汽車代理權。惟有人辭官歸故里，亦有人漏夜趕科場噃！亞Mark側聞兩間正準備出售嘅汽車代理權，不乏有興趣嘅財團洽購之外，無意中重畀亞Mark打探到，闊別香港車壇多年嘅法國先進（Citroen）汽車，正有某大汽車集團計劃再度引入香港。咁又係呀！十年人事幾番新，近年法國標緻新車推陳出新，香港亦不乏車迷追捧，而份屬同鄉嘅先進，近年放眼世界，旗下C3城市小車、Xsara以至高級C5轎車，響歐洲各地銷量更直線上升，加上有標緻嘅前車可鑑，聽聞先進嘅高層，亦好希望重新打入香港，呢個有世界汽車窗櫥美譽嘅地方呢！