英國萬人迷碧咸（DavidBeckham）與妻子Victoria一向恩愛非常，下周四是Victoria的二十九歲生日，碧咸自然要花心思為嬌妻慶祝。
據知碧咸已向時裝品牌ChristianDior預訂兩件禮物，作為慶祝的第一炮，不過家財萬貫的他似乎無意找數！
據英國《星期日鏡報》報道，由於Victoria一向是法國時裝名牌ChristianDior的忠實擁躉，日前碧咸已致電Dior在倫敦的總部，要求他們把今年推出的一對價值二百七十英鎊（約三千三百港元）的新款白色高跟鞋，以及一個一千零五十鎊（約一萬三千港元）的紅色StreetChic手袋送到他手上。
不過Dior的發言人說：「碧咸的確要咗兩件貨品送畀佢太太，不過我真係唔知究竟佢會唔會畀錢。」而知情人士亦透露：「通常啲名人都會畀錢買咗佢，或者着完之後退番畀公司，不過以碧咸嘅知名度，就好自然咁認為佢係唔需要畀錢。」
其實Victoria日前亦曾有類似的行為，她在Dior揀選了數條圍巾和一條白皮帶，不過她只付了購買圍巾的款項。而知情人士則說：「Dior其實冇習慣俾啲名人拎嘢走，不過如果係Victoria就算啦，佢可以做埋宣傳嘛。」