張堅庭和黎姿昨日在跑馬地拍攝電影《無冕皇帝》，張堅庭的太太楊諾思曾跟張國榮拍拖，他表示太太接獲張國榮的死訊，十分傷感。張堅庭說：「太太有啲傷心，我都有安慰佢，但張國榮嘅死訊太突然。四月一日全世界發生好多嘢，差唔多最差嘅嘢都發生晒，香港傳會變疫埠、淘大花園居民要隔離，張國榮又跳樓自殺，總之唔想發生就發生咗，好似全港都患咗抑鬱症咁。」
而黎姿則認同藝人情緒好易受影響，她說：「演員投入角色，抽離好辛苦，我自己學會放鬆啲，唔好咁執着。」另外，近日因非典型肺炎肆虐，黎姿見坊間有不同款式的口罩出售，她說：「我都開始收集唔同顏色嘅口罩，可以用嚟襯衫。𠵱家唔使開工，我都會返屋企，打開電視都係新聞，我都未試過睇咁多電視，全部新聞都係講肺炎、打仗同張國榮，都係唔開心。我同朋友又唔可以出街紓緩壓力，自己情緒都受到一定影響，有時間都想出埠玩吓，我得閒都睇吓佛經。」 採訪、攝影：駱華齡