曾經被大力吹捧但始終「紅唔起」的網上購物，近期竟然大紅起來！鬼咩，非典型肺炎肆虐，個個都唔敢出街，細路又放假，父母恐怕仔女獨自在家有危險，但係都要開飯㗎，於是網上購物忽然生意興隆！其實網上不但柴米油鹽樣樣齊，連湯水都有人送上門，仔仔女女玩意不會少，足不出戶，也可滿足全家需要。好似近期大熱嘅容祖兒CD《我的驕傲》，我都購自網上，貴旺角幾蚊，但唔使搵條命「較飛」喎！
記者：陸伊琳 攝影：伍慶泉、陳智良
ImageGirl：Cathy
上星期誤傳變疫埠，超級市場出現米架無米，連糖果零食都所餘無幾大奇景，真恐怖！其實大型超市都行了幾年網上購物服務，平時冇事就話行街購物啫，今時今日又何必去同人迫。阿媽就最鍾意上網買湯，唔使自己煲之餘，重可以指定要補肺湯㖭！
補肺靚湯真材實料
於午夜12時前在「靚湯日報」訂湯，翌日下午一時前送到。近日最暢銷湯水不外是：可增強免疫力的靈芝海底椰無花果響螺金絲棗煲竹絲雞；止咳平喘的霸王花甘笋菜乾羅漢果桔餅豬肺煲豬𦟌；不少得預防非典型肺炎的「強身健肺涼茶」，每款$30起。
靚湯日報：
惠康無最低消費
惠康場內的貨品，幾乎全可在網上落Order，特價貨品也包括其中，價錢於每晚凌晨更新。購物不設最低消費，就算買盒二十蚊紙巾，都送貨。但若購物少於$400，要附上$15運送費；多於$400有免費送貨。送貨時間，平時今日落Order，翌日就送到；但肺炎後，多人上網購物，工作量增多，要隔天才運到，即7號購物，9號送到上門。
惠康網：
百佳上午買下午送
在早上十一時前上百佳網訂貨，最快可在即日下午二時後送到府上。但要購物滿$150才送貨，滿$400或以上有免費送貨，惠顧低於$400，送貨服務費為$15。
百佳網：
順發行腐乳海味也送到
舊式雜貨舖亦追上潮流，可以訂購自己品牌的香米、食油、海味、腐乳及醬油等雜貨。買滿$100或以上便有免費送貨，店員表示由於近日太多定單，應接不暇，平時可翌日送貨，現在預計落單後兩天後送貨。
查詢及購物：
爸爸正打算為家居翻新一番，上實惠家品網就可搞掂。廚房、浴室及廳房家具用品式式具備，細至一粒螺絲，大至雙人床都有，買滿$2,000或以上提供免費送貨服務，其他的送貨費用$30-$60。14天內安排送貨。
實惠家品網：
妹妹十分沉迷偶像，又時常在網上購買其貨品，所以就算無得出街都沒有影響，因為連最新出版的書都有。
YES網站訂購最新一期偶像雜誌
除了有最新一期及前幾期的《YESIDOL》訂購外，還有偶像寫真集賣，如Twins、F4、Cookies等，連YesStation所賣的精品及化妝品也買到，每樣貨品的郵費不一，可上網查詢。
YES網：
預訂Boy'Z最新CD
聽聞Boy'Z快將推出《LALA世界》首批特別限量版，有勁多嘢送，除CD、VCD外，還包括Boy'Z貼身靚相郵票卡、兩款miniposter、玻璃貼紙、卡拉OK優惠券、元祿美食券等，連Boy'Z也自動送上門。
DVDshelf網：
細佬最鍾意霹靂神鷹，別以為細眉細眼的玩具在網上買不到，百貨公司的網站又怎會放過小朋友的市場呢？當然佢訂玩具都要我爸爸和媽媽同意啦！
非吉之島J-CARD會員購物滿$400或以上，可享免費送貨服務；$400以下者，需付送貨費$20，於購貨當日起計7天內送貨。
吉之島網上購物城：
貪靚的我雖然不用出街見人，都要扮靚免變樣𠺢！
網內可定到我慣常用的佳麗寶、資生堂、philosophy等化妝及護膚品，並預告新貨到港日期。內裏更附設拍賣場，分分鐘可以超低價買到心頭好。
gooddealer.com網：
網上購物大多會以郵遞方式送貨，減低與外界接觸，要是一些專人上門送貨服務，送貨員亦會做足預防及衞生措施，戴上口罩來探訪你，可能價格比街價貴少少，但也是值得的。