香港地滿城風雨，令到香港人面臨工作、健康等重大壓力，又唔多敢出街玩，最啱就係喺屋企打機減吓壓，鬆一鬆。呢隻《MadeInWario》包含200款以上迷你遊戲，夠晒豐富，雖然每隻Game只得五秒，不過就係要你喺短短五秒內估到玩咩同埋過版，相當之爽快同剌激。最搞笑係眾多迷你遊戲內容，包括插手指入鼻孔、剪頭髮、捲意大利粉等，全部遊戲簡單得嚟又好好玩，就算玩輸咗都令人發出會心微笑，兼且部份迷你遊戲對應雙打，實屬減壓良方。順帶一提，日本機迷可以到有派發《任天堂店頭月刊》嘅Game舖，免費下載《MadeInWario》試玩版到自己部GBA度，唔知香港幾時先有咁嘅服務。
記者：徐影龍