蘇永康前晚錄影《勁歌金曲》時，談到張國榮受情緒困擾跳樓自殺一事，大表惋惜。康仔表示去年因服食搖頭丸須接受勒戒時，情緒亦飽受困擾，更直認須接受心理醫生治療近一個月，他強調沒有事情是解決不了的，希望大家珍惜生命。
蘇永康、Beyond和趙頌茹（阿Yu）等人，前晚在無綫電視城分別為兩集《勁歌金曲》錄影。康仔透露張國榮日前在中環跳樓自殺時，他曾途經附近，並遇上大塞車，卻沒料到是因張國榮自殺而引起。
康仔事後回家看電視才得知張國榮的死訊，大感驚訝的他立即聯絡梅艷芳。康仔說：「阿梅呢半年先後失去羅文同哥哥（張國榮）兩位好朋友，對佢嚟講打擊都好大。不過我哋班朋友呢排得閒都輪流陪佢，阿梅都冇乜嘢事，佢心情都平復咗啲。」
去年在台灣因服用搖頭丸要接受勒戒的康仔，透露當時情緒大受困擾，他說：「我當時都睇咗心理醫生一個月，醫生開咗鎮定劑同安眠藥畀我食，但判刑後我就冇食，唔可以一直靠藥物，凡事都要面對，始終冇事係解決唔到，大家要堅強啲。我希望畀個正面訊息大家，冇乜嘢事係捱唔過嘅。」
此外，阿Yu亦表示其母是張國榮的歌迷，她眼紅紅地說：「佢死嗰日我喺日本拍特輯，我重以為係愚人節，印象中佢係一粒星，我都好想同佢合作，但𠵱家冇可能。」
採訪、攝影：王崇穎
