張曼玉香港時間昨日凌晨在瑞士，以玉寶表大使身份，出席該品牌的宣傳活動。她表示日前在巴黎得悉張國榮的死訊時，驚愕得立即淌下淚來，現時只要一靜下來，腦內便會湧現與張國榮相處的片段，並每天茹素，作為對張國榮的懷念。
張曼玉（Maggie）與張國榮（Lesile）相識多年，二人曾先後合作電視劇《武林世家》、電影《阿飛正傳》、《東邪西毒》及《東成西就》等，雖然並非經常見面，但兩人感情頗佳，故張國榮突然離世，令Maggie甚為傷心。
瑞士時間前晚約七時（香港時間昨日凌晨約一時），Maggie以玉寶表大使身份在瑞士巴塞爾出席活動，並先後接受香港及新加坡傳媒訪問。
好shock，好似做戲最慘最慘嗰幕！
事後Maggie返回休息室接受訪問時，透露接獲張國榮死訊時她正在巴黎。Maggie說：「當時覺得好shock（震驚），好似做戲最慘最慘嗰幕咁。」問她最後一次見張國榮是何時？Maggie說：「兩年前成龍生日請食飯時見過，當時阿梅（梅艷芳）都在場。」問到Maggie當時張國榮的情緒怎樣時？她說：「我唔想講，可能Leslie唔想我講。」
張國榮生前曾表示覺得Maggie是個「好正」的女人，若早點相識不排除會追求她，Maggie前晚對此說：「我亦覺得Leslie好靚好靚，但係好靚唔代表要做男女朋友。我哋唔係成日見，但一見面就有好多偈傾，佢次次都叫我『死婆』。」
人生脆弱，但呢件事令自己堅強咗！
Maggie並表示獲知張國榮死訊後，即時流下眼淚，她說：「𠵱家一靜低落嚟，或者瞓醒一張開眼，就會諗起以前同佢相處傾偈時嘅片段。」
Maggie說：「發生咗呢事之後，我一路有為佢（指張國榮）食素，雖然我唔知可以食到幾耐。」
問Maggie經過此事後，會否覺得人生很脆弱？她說：「一向我都覺得人生好脆弱，但係張國榮呢件事反而令自己堅強咗，因為一諗歪就會行呢條路（自殺）。」若遇到不開心的事時會怎樣解決？Maggie說：「我會喊同搵朋友傾偈。」Maggie又透露張國榮是一個很需要朋友的人，她說：「佢需要好多人錫，其實係一個細路仔。」
朋友叫我唔好返，但我好掛住香港！
Maggie表示因尚有工作在身，完成玉寶表大使的工作後，下一站要飛往東京宣傳電影《英雄》，所以張國榮周二出殯時她未能回港出席。
而談到引起全港恐慌的非典型肺炎時，Maggie說：「我𠵱家心情好矛盾，個個朋友都叫我唔好返香港，但我又好掛住香港。」為時裝品牌izzue擔任設計總監的Maggie，更火速設計了一個口罩，不日便會推出市場。
記者何兆彬瑞士巴塞爾直擊
