德國平治車廠於日前公布咗2003年首季汽車銷售數據；響今年頭三個月內，平治連同Smart共售出291,200部新車，較2002年同期嘅292,500部輕微下跌1,300部。雖然售出車輛數字有所下調，但喺現今經濟惡劣嘅環境下仍有如此成績，表現絕能令人感到滿意。
若分開品牌計算，平治於首季共售出266,900部新車，較2002年同期嘅264,100部，上升多達2,800部；能有如此成績出現，全拜新E-Class及S-Class所賜。另外，平治於亞洲地區嘅銷量更激增22%，銷量高達23,100部，其中10,200部新車更於日本售出，而響美國及西歐地區市場亦錄得強勁升幅。
至於Smart方面，雖然銷量較去年同期有所下調，但相信當第二代Smart、SmartRoadster及RoadsterCoupe正式推出後，定能令今年全年銷量更上一層樓呢！