立法會上個星期辯論財政預算案，八方見楊森一字不提梁錦松偷步買車事件，以為佢有乜嘢事，細問之下，先知「好戲在後頭」。
楊森話，呢個星期三，即係九號，佢會喺立會提出一個決議案，要求成立專責小組調查阿松嘅誠信問題，到時會集中火力講「零智430」。為免重複，所以上周只談預算案滅赤嘅問題。不過有人認為毋須分得咁清楚，因為連新界王劉皇發一企起身都潤阿松一句，話買車事件餘波未了。
睇嚟阿松有老董保住，白鴿黨個議案想通過都幾難，梗係啦，如果成功，專責小組可以運用權力及特權法呢把尚方寶劍，翻查文件，又可以傳召證人，重得了？
﹙圖﹚楊森上星期喺立法會辯論財政預算案，一字不提梁錦松偷步買車事件。
傳真︰2623-9278
電郵︰