特區政府俾啲冠狀病毒、衣原體搞到一頭煙，究竟係誰之過，大家都冇心機去查究，至於一早已經退下火線嘅前高官，更唔理得咁多，有假照放，夠鐘走人，真係冇眼睇。
八方講緊邊個？咪係積金局行政總監許仕仁老爺囉，睇怕佢現時都上咗飛機去聽音樂會啦。許仕仁當年同陳方安生一齊急流勇退，唔知係咪一早預知遲早有鑊比金融風暴更「甘」嘅橫禍，所以連官都唔做。
按老許本來嘅大計，佢四月就應該甩得身，故此一早預定晒「飛」，去呢度嗰度聽音樂，𠵱家要坐到六月底，但係「飛」就冇得退，今個月只好請假去玩，之後先返嚟執埋啲手尾。
香港正係屋漏兼逢連夜雨，好多商人同立會議員重提暫停供強積金一年，呢啲咁難搞嘅嘢，現在梗係由財政司處理，老許又邊會過問吖！
傳真︰2623-9278
電郵︰