唐寧現時正忙於拍無綫劇集《戀愛自由式》，連日來要在泳池拍攝外景，她表示日日游水，身體更健康，故不擔心惹上非典型肺炎。
唐寧昨日在電話中說：「我又唔太驚喎，𠵱家日日游水反而身體健康咗，最緊要都係注重個人衞生，多人嘅地方就要戴口罩，我哋喺泳池開工時，其實都唔係太多人，因為公司次次都包晒成個場，而泳池又有消毒，所以我都唔會覺得驚。」
唐寧表示今次她與蕭正楠、陳文媛、Cookies成員Stephy及Theresa拍戲，一班年輕人相處得十分愉快，眾人一同拍游水戲時，還在水底玩猜包剪，唐寧笑說：「我哋喺水底玩猜包剪，喺街就一齊踢毽，成班人玩得好癲，拍得好開心。」
採訪：朱芷瑩
攝影：陳志嵐
服裝及場地提供：Roxy