毛舜筠得悉初戀情人張國榮自殺身亡後，一直表現得十分傷痛，昨日她如常地回商台主持節目，表現平穩，心情似是平復不少。節目完結後，毛毛在商台與另一主持鄭丹瑞開會，至下午約十二時半離開。
毛毛接受訪問時，表示心情稍為平復，但精神仍有點恍惚。毛毛說：「噚晚食咗藥先瞓到覺，而前兩日就食咗藥都瞓唔到，不過呢幾日都好恍惚，噚日盡量唔去睇報紙同電視，因為接觸到會好辛苦，唔想令自己情緒唔開心，咁樣對同事同屋企人唔公平。」
雖然毛毛極力令自己不去回憶，但她透露前天與丈夫區丁平到街市買餸時，突然憶起張國榮，她眼泛淚光地回憶說：「我突然有個諗法係：哥哥唔喺度？點解呀？跟住啲眼淚標出嚟，我同自己講控制吓，唔可以咁樣。噚日梁李少霞打電話畀我，同我講起以前成日同哥哥、哥哥契媽張玉麟夫人一齊打牌，我同哥哥一齊打牌時重唱粵曲，嗰段日子好歡樂。」
毛毛還表示要搞好張國榮的葬禮，但隨即又飲泣道：「佢唔知我哋個個都咁錫佢，我知佢唔知，我諗佢真係唔知。」說完便匆匆駕車離去。
採訪、攝影：馮美茵