鍾鎮濤（阿B）與張國榮認識二十多年，日前身在台灣的阿B得悉張國榮的死訊後，即忍不住嚎啕大哭，昨日阿B在長途電話中表示，他個多月前在半島酒店碰見張國榮與唐鶴德，阿B說：「佢當時拍吓我膊頭，重話約食飯，估唔到呢餐飯食唔到。」
阿B續道：「嗰陣佢同梁朝偉拍《春光乍洩》，兩個住樓上樓下，我又住佢哋附近，大家成日一齊玩同傾偈，佢走咗我好難過。」
問阿B知否張國榮尋死的原因？他說：「唔知，佢又靚仔又多人錫，生命咁寶貴，點都應該要撐住，如果唔係我咁多遭遇唔通又要死咗去咩？不過既然佢有咁嘅決定，作為朋友只可以尊重佢，但我又好嬲佢有咁嘅決定，搞到咁多人為佢傷心。」
採訪：蔡如玉