勤有功，戲更加有益。玩具不單止係獎勵小朋友的方式，從中更能令小朋友得到學習元素及技能；例如加強獨立性及自信，訓練思考、聽講能力、培養創作或音樂節奏感等。家陣一個非典型肺炎搞到所有小朋友放大假留喺屋企，不如買份益智玩具畀佢哋，等佢哋邊學邊玩啦。
鳴謝：全方位互動教育中心（21771185）
全套售價：$69.9（玩具反斗城）
由Imaginarium出產多泥膠Farmset，有6種冇毒素的泥膠，讓小童由零開始發揮天馬行空的思考力及創作力。由於今次係製作農場，所以動物如豬、牛、雞、拖拉車、木屋等都可砌出，適合3歲以上的小朋友。
JuniorExplorerGlobe$599.9（玩具反斗城）
憑着一支感應筆，在地球儀上每接觸一處，都會以英語介紹地球上當地或海洋的地理、文化、動物、方向、語言等知識。所以，這個供3歲小朋友學習的發聲地球儀，十分益智，難怪經常斷貨。
$167.9至$219.9（玩具反斗城）
美國「迪士尼」及「智快識」出品，主要以互動形式來教小朋友學習加減數、自然科學及音樂節奏等色色俱備。
每款$158（JCShop）
日本新興的GlassPuzzle，屬於IQ型的積木；以菠蘿及布甸作外貌，考驗3歲以上的小朋友智商來合併整個立體甜品。
每款$59（JCShop）
MEGABLOKS積木，以跑車、戰艦或飛機有固定外形，就可訓練小童的手、眼及觸覺訓練，4歲以上兒童頗適合。
將軍澳互動教育中心陳Sir：
「小朋友應由學前2歲半開始學習正統嘅英語及其他學術，以遊戲方式來教最好。市面上有好多益智玩具及電腦軟件，設計得相當唔錯，但就唔夠全面及靈活性。所以需要老師從旁指導，再加上針對性嘅課程，小朋友嘅成績及思維就會發展得更好。」
黃心兒（10歲，小四，全級第2名）
「呢類畀外國Grade1學習的電腦軟件，相等於香港小三。因為我喜歡英文，平時都喺教育中心溫習英語，所以對我嚟講唔算難。」
Apple（小三學生）
「我比較鍾意中文，唔喜歡英文。類似呢啲教英語玩具對我嚟講好深，但慢慢學相信對我亦有幫助。」
男Twins家長Marina
「我平時都會買光碟遊戲畀Gordon及Michael玩，尤其係有教育意義嘅。其次會買Lego及有關建築類嘅玩具，因為可以幫助佢哋嘅思維及創造力。」
店舖資料
玩具反斗城（29916222）JCShop（31022783）