添馬艦舊址起政府總部嘅計劃未動工已經暗湧處處，代表測量界的立法會議員劉炳章，噚日喺立法會規劃地政及工程事務委員會會議上面公開爆料，話建築界流傳緊一個傳聞，指政府總部大樓工程重未正式招標，已經有一個極高層嘅港府官員四出游說各界接受一位著名建築師嘅設計。
官商勾結咁大個罪名邊個孭得起呀？出席會議嘅行政署署長黃灝玄即刻猛話絕無其事，重叫劉炳章講清楚係邊個官員，但係劉炳章又講唔出，於是陳偉業議員乘機單打，佢話每次有大工程都會有好多傳聞，唔少都係別有用心想打擊或者偏袒某一些財團，講唔出名，就唔應該公開講。
（圖）劉炳章猛話有官商勾結，但係講唔出個名。
傳真︰2623-9278
電郵︰