星島老闆何柱國幫英皇楊受成買咗《東周刊》，話希望半年內復刊。經過「裸照事件」之後，邊個咁夠「吉士」去統帥領軍呢？八方收到風，現時睇《東TOUCH》嘅何國輝將會出任《東周》社長，星島執行總編輯黎廷瑤就借調去《東周》做總編輯，睇晒時事同娛樂兩冊書，盧覓雪就會幫佢手主理娛樂。
佢哋三位喺壹仔時代共事過，合作一定冇問題。高層安排妥當，𠵱家正積極招兵買馬，人手一齊就會出版，不過要組班並唔容易，五月係咪出到街都未知。
世事就係咁怪，黎廷瑤當年離開壹仔，其中一個理由就係想做番報紙，奈何身不由己，家陣老闆一聲令下，佢又要做番雜誌。唔怪得佢私底下同朋友講笑，話真係命運捉弄佢。
傳真︰2623-9278
電郵︰