在今屆香港電影金像獎「最佳電影」的提名名單中，《無間道》、《英雄》、《三更之回家》和《香港有個荷里活》四片兼獲提名「最佳導演」；而《異度空間》和《金雞》則分別提名「最佳導演」和「最佳電影」。
論到兩個大獎的頂頭大熱，非《無間道》莫屬。在早前舉行的金紫荊頒獎禮上，《無間道》便已囊括「最佳電影」和「最佳導演」兩大獎項，加上是去年最佳票房電影，氣勢一時無兩。
在「最佳導演」獎中，能威脅《無》片導演劉偉強和麥兆輝的，是執導《香港有個荷里活》的陳果。在「最佳電影」中，獲提名的幾部電影雖屬好戲，但相較起《無間道》來，實力則尚有一段距離。
陳果近年成名後，執導的電影難得每套均能保持水準，《香港有個荷里活》是一個好例證，以低成本製作，又沒大卡士下殺出角逐獎項，「最佳電影」可能未必稱得上，但「最佳導演」一獎則甚有機會。
陳可辛拍攝的《三更之回家》，確實是一套不俗的電影，尤其令黎明的演藝事業有了突破，故事亦拍得感人，不過面對強勁對手，最多算是黑馬。
《無間道》由劉偉強和麥兆輝執導，無論是劇本或演員均配合得天衣無縫，拍得扣人心弦，是近年難得一見的好戲，奪「最佳電影」幾乎無走雞，不過在「最佳導演」中，雖是頂頭大熱，但強敵眾多，能否奪獎亦是未知之數。
張藝謀是大導演，觀眾向來對他執導的戲期望甚殷，不過《英雄》委實令香港觀眾有點失望，除與史實有出入外，政治味道亦過濃。張曼玉和梁朝偉在片中亦失去過往魅力，淪為陳道明飾演的秦王之陪襯品，所以得獎機會甚微。
羅志良憑執導《異度空間》角逐「最佳導演」，此片是張國榮生前的最後一套作品，有傳張國榮因未能抽離角色而自殺身亡，令《異》片成熱門話題。《異》片本身雖屬水準之作，但得獎機會不大。
《金雞》有份角逐「最佳電影」，以喜劇來說，《金》片無疑是水準之作，搞笑得來又有意義，以近三十年來的香港為背景，觀眾特別有共鳴，不過以角逐「最佳電影」來說，得獎機會應該很渺茫。
我兩個獎都揀《無間道》，即係好似上年《少林足球》咁，令到人好振奮，呢套戲整體感覺好好，咁當然導演都好啦，始終套戲收成五千萬，呢個獎都值得攞嘅。
「最佳電影」同「最佳導演」我首選係《無間道》，因為呢套戲真係做到個氣勢出嚟，引起全城話題，其次係《香港有個荷里活》，我覺得《英雄》一定冇份，喺內地票房就第一，但喺香港就完全冇勢。
