翁虹和溫碧霞等前晚出席首映禮，二人都穿上性感的服裝到場。翁虹更在低胸衣前掛上一部新款電話，款式頗為特別，她更即場幫溫碧霞試戴，然後送了另一部給她，頓時成為現場焦點。
翁虹、溫碧霞、唐寧和梁琤等，前晚在灣仔出席新片《斗室96小時》首映，眾女星都以性感打扮到場，展示天賦本錢。有份主演該片的男主角陳錦鴻卻有事缺席，未知是否因為要迴避記者追問他日前被拍得赤腳行馬路的照片？
翁虹前晚穿上低胸上衣到場，酥胸半露，她更在胸前掛了一部德國牌子XERIBRI的新款手提電話。翁虹說：「呢部電話香港要下個月先有得賣，都要二千幾蚊，我諗𠵱家香港唔超過三個人有。本來電話商話下月中會喺上海搞個派對宣傳，大會重想邀請哥哥（張國榮）做特別嘉賓，我重以為可以同台演出，但係𠵱家一定冇可能。」
翁虹跟溫碧霞十分老友，她前晚即場問溫碧霞可喜歡該款新電話，還把電話試掛到對方胸前，翁虹更送了一部給溫碧霞。
問到溫碧霞在拍攝《斗》片中跟陳錦鴻合作時，可察覺對方有失常現象，她說：「我覺得佢係好好先生，只不過佢好多理論，佢都好純，但喺片場冇留意到佢有冇赤腳，拍戲就要着鞋。可能佢做腳底按摩，大家唔使擔心，佢好正常。」
對於張國榮的死訊，溫碧霞表示十分可惜，她說：「我喺《胭脂扣》度同佢合作過，但大家唔熟，希望大家可以積極面對人生。」
採訪：駱華齡 攝影：陳志嵐
