白韻琴： 對於張國榮嘅死我認為唔震驚，因為以前同張國榮重有鍾保羅一齊做同事嗰時，張國榮曾經同我講將自己比喻做洛陽名妓，自古有話「自古美人如名將，不許人間見白頭」，鍾意靚嘅人，都唔一定代表佢唔會自殺。
自己一直都好鍾意睇張國榮啲戲，佢畀人好有信心同有責任感嘅感覺，好大膽同埋好嚴肅。
我覺得張國榮好努力，同埋佢對自己好高要求，佢做每樣嘢都好認真，好值得後輩學習。
聽到張國榮離開嘅消息好唔開心，唔知點解係咁，大家從未合作過，本來好希望可以有機會合作，但𠵱家好可惜，希望張國榮身邊嘅朋友唔好唔開心，要睇開啲，希望件事快啲過去。
呢幾日都有見師傅梅艷芳，佢冇事㗎喇，唔使擔心，大家有提及張國榮，但唔會刻意講。佢心情已經平復，亦冇恍惚，張國榮出殯嗰日我哋幾個徒弟會陪住佢。
