立法會七黨聯盟，話就話係「聯盟」，其實鮮有達成共識嘅時侯，不過非典型肺炎大敵當前，七黨聯盟都要放開成見，噚日佢哋就達成一項重要共識：今晚七黨派代表不分左中右，約埋去鯉魚門大擦海鮮！
到底對付SARS同食海鮮有乜嘢關係？原來SARS已經令專做遊客生意嘅鯉魚門海鮮檔生意急跌七成，前幾日政府宣布將淘大E座居民搬入港島鯉魚門度假村隔離，更加令海鮮檔生意跌至零，因為好多內地遊客分唔清，此「鯉魚門」同柴灣嘅「鯉魚門度假村」有一海之隔。
七黨聯盟噚日講到海鮮檔主嘅慘況，決定今晚拉隊去晚膳，以示對香港飲食業嘅信心。
傳真︰2623-9278
電郵︰