踏入四月，除了復活節之外，還有一年一度的香港國際電影節（四月八日至二十三日），今年有近三百部來自四十多個國家的電影，一眾戲迷可在十六日內盡情看個夠，過足戲癮。然而電影多達三百部，應如何取捨呢？就讓兩位電影節常客芝See菇Bi及張達明為大家揀出心水電影，看看是否合你的胃口。
記者：陳漢榮、藍雪紅
《像雞毛一樣飛》
簡介：中國劇場導演孟京輝的首部電影。
「孟京輝係內地劇場忠實分子，專搞創作，呢部係佢首部電影，好想睇吓佢嘅作品；亦都好想睇吓秦海璐嘅演出。」
簡介：北野武自認至今最暴力之作。
「我本身好鍾意北野武嘅電影，唔知呢部戲會唔會上正場，怕錯過咗就睇唔到，所以想先睹為快。」
《長屋紳士錄》
簡介：已故日本導演小津安二郎1947年的作品。
「之前已有朋友向我推介呢部電影，小津好多作品都出咗碟，唯獨呢套我搵咗好耐都搵唔到，難得今次電影節有得睇。而且我好欣賞小津嘅拍法，佢嘅長鏡拍得好紳士。」
簡介：法國演員蘇菲瑪素首次執導的電影，獲蒙特利爾電影節最佳導演獎。
「我想睇呢部戲，唔係因為個古仔，純粹係我好鍾意蘇菲瑪素，佢係一個智慧型演員，好想睇吓佢導演嘅作品。」
簡介：李楊編導的作品，榮獲今年柏林影展銀熊獎。
「曾經睇過一個特輯，講中國經濟起飛，農民生活卻絲毫無改善，真係草菅人命。揀《盲井》，係因為想對中國各方面都多啲認識。」
身為今次香港國際電影節大使的Shine則十分HardSell，推薦大家睇《一碌蔗》及《五個嚇鬼的少年》。
《瑪德蓮墮落少女》
《黃昏清兵衛》
《卡拉是條狗》
《蜘蛛夢魘》
《人民公廁》
《秋刀魚之味》
《六月之蛇》