日本新紮性感女星若槻千夏，近期曝光率不斷增加，經常喺日本唔同嘅偶像同青年漫畫雜誌入面以性感水着示人，佢亦即時乘勝追擊，推出個人寫真集《ChinatsuWakatsukiPinup》，全書可以話真材實料，每頁都係千夏嘅寫真，重整到好似迷你海報一樣，等班fans買返屋企慢慢歎！
若槻千夏呢本寫真集每次攞上手嗰陣，都好有重量感，無他嘅，因為本書係用啲好厚嘅粉紙印製而成，等fans可以睇多幾十次都唔會殘，亦可以逐張寫真撕出嚟當係poster咁周圍貼，真係好睇又好玩。
講到呢本寫真，質素一啲都唔差，千夏喺寫真集入面嘅打扮真係好鬼醒神，除咗一般嘅比堅尼水着look同玩吓濕身之外，佢又學人玩cosplay扮女軍人，最正斗係佢喺嗰個絲巾加花邊比堅尼look入面，居然用腳趾夾住一支珍寶珠，真係好似日戴夜戴嘅口罩咁，令人難以唞氣！