日前響立法會會議上，有多位議員表態反對財政預算案，又或者倡議要財爺修訂一番，本來一向對政治冷感嘅亞Mark亦大表欣慰，期望香港市況有復甦機會嘛！而早前財爺一份預算案公布後，代表香港汽車界嘅四大集團代表，更以香港汽車商會嘅名義，響3月中旬跟財經事務科嘅馬時亨有過一席對話，當中出席者包括身兼汽車會主席，仁孚行嘅MichaelLee（下左圖）、英之傑嘅GaryCheung（下右圖）、森那美嘅JohnsonLi、大昌行嘅ChongGot等人。究竟佢哋有甚麼意見反映呢？而佢哋代表嘅汽車集團，又點睇未來嘅香港車市呢？亞Mark聽聞《車天車地》版早前更安排咗專題記者跟佢哋做專訪，並會於明日刊出；如果你都想知道未來香港車市嘅取向的話，咁就真係要留意一吓喇！