董建華同保皇黨議員包括石禮謙最想嘅係──阿松偷步買車事件隨住肺炎肆虐不了了之，所謂「渾水摸魚」，點知余若薇（Audrey）佢哋不肯罷休，前日重喺立法會內當眾大罵阿松「厚顏無恥，當港人係儍仔，誠信受到懷疑重坐喺個位，簡直係貶低香港，請佢自己走人（Pleasego）。」然後叫老董再覓良才。
Audrey咁激咁不留情面，八方真係好想睇吓阿松有乜反應，點知佢剛好戴住個遮醜口罩，睇唔到表情。白鴿黨前主席李柱銘話，大狀最唔鍾意人死撐唔認錯，所以Audrey怒火難消。
原來余若薇最憎人縮骨，佢同八方講，大是大非嘅嘢冇得讓，而且阿松咁做會對整個社會有好壞嘅影響。余若薇三番四次喺立會發難，吳靄儀又要提不信任動議，加埋劉慧卿死纏爛打嘅性格，阿松呢鋪唔死都一身潺。
傳真︰2623-9278
電郵︰