杜琪峰、任達華和林雪前晚在銅鑼灣紐約戲院出席新片《PTU》電影論壇，杜琪峰對於張國榮突然跳樓自殺，覺得十分可惜。
杜琪峰說：「我都有意搵張國榮拍戲，佢人都死咗，唔好提。我都未同過佢合作，本來想開戲搵佢做車手，不過整定大家冇機會合作。」杜琪峰近日忙於開拍新片《健美先生》，片中劉德華扮演大隻佬，杜琪峰說：「我哋為華仔訂咗六套肥佬衫，約四百萬港元，佢着咗之後好似揹住部寶馬咁貴，成套戲投資約三千八百萬港元。」
此外，任達華亦很惋惜張國榮自殺身亡，他說：「琦琦同佢熟啲，我哋都有一齊食飯，呢排好多唔開心事，又有肺炎，希望港人可以強身，咁先可以治國。」
採訪、攝影：顏英儀