非典型肺炎（SARS）蔓延有減弱之勢，但願惡病速速消失。記得當日驚傳醫管局行政總裁何兆煒中招，凌晨點幾鐘成個編輯部手忙腳亂，而SARS亦由當日起震撼全城。
總裁都中招，實在得人驚。事關佢係醫生，理應掌握一手消息，做足防範，如果佢都唔掂，普通人咪凍過水？於是大家一齊估何兆煒因乜出事，有人話佢冇戴口罩，亦有話佢冇洗手。
最新消息來自投資銀行界，引述醫管局高層人士話，何醫生有洗手，亦有戴口罩，但就冇洗乾淨對鞋，於是將病毒由醫院帶咗返屋企。銀行家教大家鋪條毛巾喺門口，準備消毒藥水或稀釋漂白水，每次入屋前擦乾淨對鞋，以保護自己同家人。
時世唔好，大家惟有暫時做住擦鞋仔先啦。
傳真︰2623-9278
電郵︰