【本報訊】張國榮的離去，令到所有痛錫他的親人摯友，以及喜愛他的歌迷們深感痛惜，尤其是跟張國榮一起十八載的唐鶴德，所承受的打擊絕非一般人所能夠承受。有人擔心，唐鶴德或會一時想不開而有輕生念頭。
不過，跟唐鶴德認識較深的好友，均認為唐鶴德意志力堅強，一定能夠冷靜面對所發生的一切。
中國星宣傳部高層李綺媚說：「唐生一定唔會自殺，我認識嘅佢，係一個好理智好堅強嘅人，處事十分冷靜，絕對唔會做儍事，無可否認Leslie嘅事對佢打擊好大，令到佢好傷心，但身為佢身邊嘅好朋友，包括我自己在內，都一定會支持佢。」
陳潔靈則表示：「唐生係一個好冷靜嘅人，我絕對唔擔心佢會做儍事，呢幾日我哋陪住唐生，並唔係因為擔心佢諗唔開做啲乜嘢，只不過我哋成班好朋友一齊哀悼Leslie啫。」
至於身為唐鶴德中學同學的林超榮說：「我唔相信佢會咁做，不過，我哋已經好耐冇見，好耐冇聯絡啦。」