電影《異度空間》的監製爾冬陞，昨日接受電話訪問時，表示不相信張國榮會因為不能抽離角色而自殺，他說：「張國榮係我好朋友，所以我嘅心情好難平復。傳聞話佢因為拍《異》抽離唔到，甚至撞邪，我覺得係天方夜譚。呢套戲由開拍到完成，張國榮參與度好高，但拍攝期間佢情緒好穩定，佢係一個咁資深、有經驗嘅演員，唔會抽離唔到角色。」
爾冬陞續說：「我曾經同佢講過呢個傳聞，佢都係一笑置之，冇理由幾個月內冇事，突然間又因為抽離唔到角色出事㗎！我都患過抑鬱症，好可怕，但我未嚴重到有自殺傾向，幾個月前我同佢通過電話，佢話心情唔好，個胃唔舒服。幾個禮拜前再通電話，重話度期約食飯。從事藝術工作嘅人，都係重感情多過理性，好多嘢用錢係解決唔到，成為心理上嘅抑鬱，不過我識得嘅張國榮好堅強，所以聽到呢個消息好震驚。」
採訪：陳月媚