魏駿傑的老父日前病逝，享年八十二歲，他和家人昨日在北角香港殯儀館為亡父設靈，喪禮採用佛教儀式。而魏駿傑女友滕麗名更披麻戴孝，以門媳身份送上花牌，並在現場幫手摺衣紙，陶大宇昨日亦到場致祭。
對於父親離世，以及張國榮跳樓自殺，魏駿傑說：「我覺得人生好灰，身邊朋友都怕我會傷害自己，我希望自己喺有自制能力情況下，搵到朋友傾訴。我想睇個唔認識嘅心理醫生，聽啲客觀意見。」
問魏駿傑何以滕麗名用門媳身份送花牌，他說：「我都好多謝佢嘅屋企人喺我爸爸過身後好幫手，門媳嘅意思係指一半腳踏咗入魏家門。我爸爸生前好想飲新抱茶，都有催我哋結婚。」
採訪：王崇穎
攝影：仇志德、林德雄
