朱茵日前到海南島為修身堂拍攝新一輯廣告，她為了防止被蚊叮，結果要老闆娘張玉珊和助手手持蚊怕水侍候。對於近日非典型肺炎肆虐，朱茵表示這段期間會盡量減少接觸即將舉行Beyond演唱會的男友黃貫中。
朱茵是張玉珊旗下修身堂的纖體代言人，她早前與攝製隊到海南島拍攝多輯性感的廣告相，不過鏡頭背後，朱茵有苦自己知，她為了預防被蚊叮蟲咬，差不多噴了三支蚊怕水。
朱茵早前在海南島拍攝廣告外景，她日前接受電話訪問時說：「我喺一個水療嘅地方拍攝，負責人重幫我加水，感覺都好特別。」幸好拍攝的場地有樹蔭，朱茵不用曬成「燒豬」。不過環境清涼之餘，朱茵又擔心會被蚊咬，其助手及張玉珊因為擔心朱茵被蚊叮，影響拍照的美感，所以要幾個人拿着蚊怕水守候在朱茵身邊，她說：「好彩最後都冇餵蚊。」
近日非典型肺炎肆虐香港，朱茵的男友黃貫中（阿Paul）本月底跟Beyond的成員在紅館舉行演唱會，所以朱茵很緊張黃貫中的身體狀況，她說：「𠵱家肺炎咁流行，我都唔敢去探佢哋班，自己都唔知係咪帶菌者。不過為咗阿Paul可以健康啲，媽咪煲咗湯，我都會留番碗畀佢飲。」問朱茵這陣子是否避嫌不跟阿Paul親嘴，她說：「我都冇諗得咁多。」
而談到朱茵拍攝時有何趣事？她說：「我成日都要以好靚嘅甫士面對鏡頭，張玉珊又不停提我手指同腳趾都要放鬆，結果都影得順利。」
採訪：比華利
