曾蔭權統領防疫應變小組，日日都要昅實SARS非典型肺炎疫情，八方聽聞煲呔曾有日喺會上提出一個好豪氣嘅建議：購買一億個口罩以備不時之需。八方數吓手指，一億個口罩，即係平均每位市民分到十五個左右，正常四個鐘換一個口罩，每個人如果一日用兩個，呢一億個口罩就夠七百萬人用七日多啲。
呢個咁驚人嘅大計，據悉已經得到特首扑槌去馬。你可能會問，點解未見到有口罩派？原來當煲呔手下接令四圍搜刮口罩時，先發現買一億個口罩唔係有錢就得。聽聞佢哋搵到去有出產口罩嘅加拿大，楓葉國都擔心自己唔夠口罩用，分分鐘暫停出口，所以煲呔呢個大計先胎死腹中。
傳真︰2623-9278
電郵︰