非典型肺炎一發不可收拾，教育統籌局局長李國章連日嚟都未曾試過戴口罩示人，似乎驚都未驚過。估唔到李局長終於都知驚，噚日出席記者會前都戴住口罩，直至記者會開始先至除低。李局長同行家解釋「唔戴又戴之謎」，佢話之前冇戴，係因為當時重未向全港學校派發口罩，所以自己都唔可以戴住，不過如今已預備咗二百萬個口罩畀全港學校，所以自己戴都冇問題，一副誓要同全港老師學生共存亡之表現。
李局長噚日又再為停課令解話，話停課安排「一啲都冇做得慢」，重強調唔會「求求其吹銀雞」宣布停課。
傳真︰2623-9278
電郵︰