非典型肺炎肆虐中、港兩地，日前羅嘉良竟然搵命博，往廣州拍攝鞋履廣告。不能戴口罩上鏡的他在廣州街頭大跳踢躂舞時，惹來數百市民圍觀，空氣混濁，認真危險。
由於非典型肺炎在中、港兩地不斷擴散，近日不少藝人為安全計，紛紛取消到內地的工作。但羅嘉良卻大唱反調，日前他在廣州逗留四日，為「尊貴」皮鞋及便服鞋拍攝電視及平面廣告。
拍攝當日嘉良在市中心一幢大廈的天台上，與內地樂隊扮band友彈結他。隨後嘉良又被安排跟跳舞老師學跳踢躂舞，雖然嘉良自嘲是舞林門外漢，但舞蹈老師卻大讚他天資聰穎，結果他在短短半小時內速成學藝，隨即換上西裝皮鞋，在廣州友誼商店外的街頭獻技表演。
拍攝大跳踢躂舞的片段時，惹來數百名市民圍觀，人潮一度擠出馬路，引致附近一帶交通大為阻塞。圍觀的市民愈來愈多，現場環境變得十分侷促，雖然曾有公安到場維持秩序，勸喻市民散開，可惜當公安離去，市民又再聚集，令嘉良全程被人群重重圍困。
事後嘉良說：「當時我拍嘢就冇諗過要戴口罩，𠵱家諗番轉頭都幾驚，好彩拍完之後都冇事。」對於今次賺錢要搵命博，他笑說：「冇辦法啦，好多嘢整定嘅，我𠵱家只係希望香港快啲冇事。」
日前嘉良與古天樂及陳慧珊曾往新加坡開演唱會，在非典型肺炎的陰霾下，他不避嫌地與觀眾握手，作近距離接觸，嘉良說：「新加坡一早就搵到個病源，防範功夫做得好，所以我唔驚。」
記者朱芷瑩廣州直擊
