張國榮的離世令很多人悲痛，原來陳小春八九年時曾在張國榮的《側面》MV內伴舞，昨日小春出席活動提起此事時，自豪地表示，只有頂級舞蹈藝員才有機會為張國榮伴舞。
陳小春、許志安、梁漢文和陳奕迅昨日在將軍澳電視廣播城出席「壹廠啟用儀式」，首個在一廠直播的節目是明晚舉行的「2003年勁歌金曲第一季季選」。
由於張國榮日前跳樓身亡，昨日大部份出席活動的藝人均收起平日的笑容，一度是舞蹈藝員的陳小春，在八九年時曾在張國榮《側面》的MV中伴舞，他感慨地說：「噚晚喺電視都有睇番呢個MV，嗰時要係頂尖dancer先有機會同張國榮伴舞。喺電影《金枝玉葉》裏面，亦係同佢合作，張國榮行咗去當然唔開心，佢表演方面有好多嘢值得我哋學習。」
問小春平日可有跟張國榮聯絡時，他說：「一班麻甩佬食飯先傾得埋，張國榮嗰啲靚人同我哋食飯好奇怪。」張栢芝前晚在懷念張國榮節目中垂淚，問小春有否安慰她，他說：「冇打電話畀佢，唔知佢喊。就算冇同張國榮合作過嘅人都upset啦！」
至於跟張國榮交情深厚的梅艷芳這兩天並沒公開露面，但一班樂壇後輩十分擔心阿梅，故這兩天許志安、謝霆鋒和梁漢文均輪流陪伴她。許志安說：「我哋呢兩日都有開解佢，佢話盡量唔喊，但就要不斷求佢先肯食嘢。」
至於唐鶴德日前表示張國榮去年十一月曾自殺，許志安說：「舊年十一月我開個唱請佢做嘉賓，佢本來應承咗，但後來話唔係好舒服，重話如果佢邊日feelcomfortable就打畀我，不過當時覺得佢都冇乜事。」
採訪：卓美娟
攝影：林德雄
